«Qazgıdromet» RMK SQO fılıalynyń málimetinshe, Taıynsha aýdanynda ekpini sekýndyna 33 metrge deıin jetetin daýyl turǵan. Kópten jańbyr jaýmaǵandyqtan qatty jel shańdy kóterip, kórý múmkindigi 500 metr radıýsta shekteldi, dep habarlaıdy Egemen.kz.
«Bul kenetten týyndaıtyn gıdrometeorologııalyq qubylys, aýa massasy aýysqan kezde jáne temperatýra ózgergende paıda bolady. Talshyq eldi mekeninde ornalasqan avtomattandyrylǵan metestansasynda da shańdy daýyl tirkeldi. Ol aýylda jeldiń ekpini sekýndyna 24 metrge deıin jetken. Bul aýa raıynyń qaýipti qubylysyna jatady», deıdi «Qazgıdromet» RMK SQO fılıalynyń dırektory Qymbat Merǵalımova.
Dál osyndaı daýyl Ýálıhanov aýdanynyń Kishkenekól eldi mekeninde de baıqaldy. Ol jerde jeldiń ekpini sekýndyna 17 metr bolǵan.