Teńiz kenishindegi merdigerlik kompanııa qyzyq jaıtqa tap boldy. Sebebi kólikterdiń astyna qustar uıa salypty. Soǵan baılanysty kompanııa basshylary uıa tabylǵan kólikterdi 14 kúnge toqtatýǵa uıǵarym jasady.
– Turaqta turǵan úsh kóliktiń astynan qustyń úsh uıasy tabyldy. Kompanııanyń bıoalýantúrlilikti basqarý jobasyna sáıkes ornıtolog tekserý júrgizdi. Bir uıada ınkýbasııanyń belsendi satysy bary anyqtaldy. Kólikter balapandar qanattanyp, uıadan ushyp ketkenge deıin jumysqa qosylmaıdy. Buǵan kem degende 14 kún qajet, – dep málim etti «Teńizshevroıl» kompanııasynyń baspasóz qyzmeti. Endi ornıtolog qus uıasyn jumyrtqa basý aıaqtalǵansha apta saıyn tekseredi. Eki uıadan qus jumyrtqasy tabylǵan joq.
Atyraý oblysy