Astana International Exchange bırjasy jergilikti bólshek saýda ınvestorlarynyń AQSh tehnologııalyq kompanııalarynyń NASDAQ 100 ındeksine qoljetimdiligin qamtamasyz etý maqsatynda jańa bırjalyq nota («ETN») lıstıngi ótkeni týraly habarlaıdy.
iX NASDAQ 100 Equities bırjalyq notasy NASDAQ 100 ındeksine engizilgen Apple, Microsoft, Google, Amazon, Tesla jáne taǵy basqa álemdik tehnologııalyq kompanııalardyń aksııalaryna ınvestısııalaýdyń shyǵyny az, salyq salyný deńgeıi tómen nusqasy sanalady.
«AIX qazaqstandyq bólshek saýda ınvestorlaryna arnap, túrli aktıvterdiń ındeksteri men nysandaryna ınvestısııalaı alýy úshin baǵaly qaǵazdar assortımentin ulǵaıtýyn jalǵastyrýda. ETN ornalastyrý arqyly bırja jergilikti bólshek saýda ınvestorlarynyń qoryn damytý boıynsha óz mindettemelerin oryndaıdy», dedi AIX basqarmasynyń tóraǵasy Tım Bennett.
Bırjalyq notalar ınvestorlarǵa túrli naryqtyq negizgi kórsetkishterdiń kiristiligine jol ashady. iX NASDAQ 100 Equities bırjalyq notasy Invesco QQQ Shares bırja qorynyń kórsetkishterine baılanystyrylǵan.
«Raıffaızenbank» aktıvterdiń saqtalýyn qamtamasyz etetin bank-depozıtarıı retinde, sondaı-aq CROWE Kazakhstan kompanııasy aýdıtorlyq kompanııa retinde belgilendi.
AIX bırjasy 2017 jyly «Astana» halyqaralyq qarjy ortalyǵyn damytý sheńberinde quryldy. «Astana» halyqaralyq qarjy ortalyǵy, Goldman Saks, Shanhaı qor bırjasy, Jibek joly Qory jáne AIX-ke saýda platformasyn da usynatyn NASDAQ AIX aksıonerleri sanalady. Bırja aǵylshyn quqyǵynyń qaǵıdalaryna negizdelgen normatıvtik orta sheńberinde jumys isteıdi, osy arqyly ınvestısııalyq qyzmetti júrgizýdiń senimdi sharttaryn qamtamasyz etedi.