Munaıly shahar turǵyndarynyń biri atasynan qalǵan eski qarýdy polısııa qyzmetkerlerine tapsyrdy, dep habarlaıdy Egemen.kz.
Atyraý qalalyq polısııa basqarmasy bastyǵynyń mindetin atqarýshy, polısııa podpolkovnıgi Erlan Bıǵambaevtyń aıtýynsha, «Qarý» profılaktıkalyq is-sharasy aıasynda turǵyndardan zańsyz saqtalǵan atys qarýyn, oq-dárilerdi men jarylǵysh zattardy satyp alý jalǵasyp jatyr.
«Ákimshilik polısııa qyzmetkerleri turǵyndardan 13 tegis uńǵyly, 4 ıir oıyqty qarý men 817 oq-dári tapsyrýǵa qatysty 15 ótinishti qabyldady. Máselen, qala turǵyny 18-kalıbrli «E57880» markaly tegis uńǵyly ańshy myltyǵyn tapsyrdy. Onyń aıtýynsha, myltyq atasynan qalǵan. Endi oǵan tapsyrǵan qarý úshin 26 253 teńge kóleminde qarjylaı syıaqy beriledi» deıdi Erlan Bıǵambaev.