«Rostov» jáne «Rýbın» komandalarynyń 68 jastaǵy eks-jattyqtyrýshysy Qurban Berdyev Alekseı Shpılevskıı otstavkaǵa ketken jaǵdaıda «Qaıratty» jattyqtyrady, dep habarlaıdy Egemen.kz.
KazFootball.kz málimetinshe, 33 jastaǵy Shpılevskıı komandanyń bas bapkeri qyzmetinen ketýge jaqyn. Elimizdiń qazirgi chempıony osy maýsymdy sátsiz bastady, 13 týrda bes ret qana jeńdi.
Berdyevty fýtbol jankúıerleri sońǵy ret «Astana» - «Qaırat» ortalyq matchinde almatylyq klýbtyń basshylarymen kórgen.
Eske salaıyq, buǵan deıin Qazaqstannyń «Qaırat-Máskeý» komandasy Reseıdiń ekinshi lıgasynda óner kórsetetini habarlanǵan bolatyn. Klýb resmı túrde chempıonatqa qatysýǵa joldama aldy.