Ekologııa jáne qoqysty qarapaıym kádege jaratý máseleleri azamattar arasynda da, saıasatkerler arasynda da ózekti. Bul máseleni laýazymdy tulǵalar da kóterip júr. Elbasy Nursultan Nazarbaev, Memleket basshysy Qasym-Jomart Toqaev mektepte ekologııalyq damý pánderin engizý týraly da aıtty. Sondyqtan «Habar» Agenttigi «О́KM Operatory» JShS jobasyna qoldaý kórsetý týraly sheshim qabyldady. Bul týraly OKQ ótken brıfıngte «Habar» telearnasynyń dırektory Dınara Bısembına habarlady, dep jazady Egemen.kz.
Onyń aıtýynsha, «EKOMEKEN» - bul birinshi kezekte ekologııalyq oılaýdy, halyq arasynda «jasyl» oılaýdy nasıhattaýǵa baǵyttalǵan eń alǵashqy aýqymdy eko realıtı.
«Qarapaıym bolyp kórinetin, biraq óte mańyzdy máselelerdiń biri – qoqysty suryptaý. Jobada 14 qatysýshy bolady, túsirilim elimizdiń barlyq óńirlerinde ótedi. Joba jeńimpazy 10 mıllıon teńge alady. Ekinshi orynǵa 5 mıllıon jáne úshinshi orynǵa 3 mıllıon teńge beriledi. Bizdiń kórermender bul shoýdy «Habar» telearnasynyń efırinde jańa kúzgi maýsymda - qyrkúıekten jeltoqsanǵa deıin tamashalaı alady. Qazaqstandyqtardy búginnen bastap ótinim berip, qatysýǵa shaqyramyn. Árbir qazaqstandyq ǵalamshardy qorǵaýǵa óz úlesin qosa alady», dedi spıker eko-jobanyń bolashaq qatysýshylaryna.
Joba prodıýseri Dınara Adam aldaǵy realıtı aýqymymen bólisti.
«Bul jobanyń bizge qanshalyqty qyzyqty ekenine senbessizder. Sebebi eldegi alǵashqy biregeı ekologııalyq shoýdyń ázirleýshisi bolý, árıne, úlken baqyt, úlken sáttilik! Elimizde osyǵan uqsas jobalar joq, realıtı-shoý janrynyń ózi áli az, biraq kórermendi ne kútedi, eń aldymen, aýqymdy, jahandyq túsirilimder - bul naǵyz dramatýrgııa, bul kúres. Bul naǵyz bıznes mektebi bolady. Biz aqsha tabý joldaryn izdeımiz, planetamyzdy qutqaramyz. Qatysýshylarmen birge neniń jumys isteıtinin, neniń istemeıtinin kóremiz. Shyn máninde, bul ekologııa boıynsha bıznes-oqýlyq bolady. 18 jasqa tolǵan kez kelgen adam qatysa alady», dedi D. Adam.
Ol óz ómirin jáne aınaladaǵy álemdi ózgertkisi keletin barlyq jandardy jobaǵa qatysýǵa shaqyrdy.