Qazaqstan fýtbol federasııasynda tóreshiler korpýsynyń shuǵyl jınalysy ótip, departamenttiń jańa dırektory taǵaıyndaldy, dep habarlaıdy Egemen.kz QFF baspasóz qyzmetine silteme jasap.
Qazaqstan fýtbol federasııasynyń prezıdenti Ádilbek Jaqsybekov osyǵan deıin departamenttiń basshysy bolǵan Sergeı Kenetaevqa alǵysyn bildirip, atqarǵan jumysy úshin alǵys aıtty.Hýan Fernandes 1957 jyly 3 jeltoqsan kúni Madrıd qalasynda dúnıe esigin ashqan. Kóp jyldar boıy Ispanııa chempıonatynyń matchtarynda tóreshi bolǵan. Sonymen qatar ıspanııalysh maman Chempıondar lıgasy, ÝEFA kýbogi, Álem chempıonaty men Eýropa kýbogynyń irikteý oıyndarynda qyzmet atqarǵan. «Osyndaı usynys bildirgen Qazaqstan fýtbol federasııasyna alǵysymdy aıtamyn. Men Qazaqstan fýtbolyndaǵy tóreshiliktiń deńgeıin kóterý úshin bar kúshimdi salamyn. Tóreshiler fýtboldyń ajyramas bir bóligi», dedi Fernandes myrza. ÝEFA tóreshiler komıtetiniń tóraǵasy Roberto Rozettı myrza Fernandesti joǵarǵy deńgeıdiń mamany ekenin aıtyp ótti. Arnaıy vıdeobaılanysqa shyqqan Rozettı aldaǵy ýaqytta Qazaqstan fýtbolynda tóreshiler máselesi týyndamaıdy degenge keltirdi.«Qazaqstan tarapy keremet tańdaý jasady. Hýan óte tájirıbıeli maman. Ol Qazaqstandaǵy tóreshilerdiń deńgeıin kóterip, jumysyn bir izge salady. Fýtbol qaýymdastyǵynyń ajyramas bir bóligine aınalǵan Fernandeske kómek kórsetip, onyń jumysyna yqpal etseńizder, ıspanııalyq maman ÝEFA talaptaryna sáıkes qyzmet etetin bolady», dep atap ótti R. Rozettı.