Qazaqstandyq delegasııa Reseı men shet elderdiń mashına jasaý kásiporyndarynyń ókilderimen kezdesti, dep habarlaıdy Egemen.kz.
Otandyq jáne sheteldik mashına jasaý kásiporyndary basshylarynyń kezdesýi 25 mamyrda Máskeýde ótken «Metall óńdeý-2021» halyqaralyq mamandandyrylǵan kórmesinde ótti.
Qazaqstan mashına jasaýshylar Odaǵy uıymdastyrǵan «EAEO sheńberinde mashına jasaýdy damytý perspektıvalary» atty dóńgelek ústel otandyq jáne sheteldik mashına jasaý kásiporyndary basshylarynyń qatysýymen ótti. Is-shara Reseı-Qazaqstan Iskerlik keńesi men Reseı mashına jasaýshylar Odaǵynyń qoldaýymen ótti.
Qazaqstannyń Reseıdegi Saýda ókiliniń orynbasary Damır Ádilbekov óz sózinde eki el yntymaqtastyǵynyń áleýeti zor ekenin atap ótti. Ol eldegi ınvestısııalyq klımatqa erekshe nazar aýdardy jáne áleýetti ınvestorlar úshin tartymdy jaǵdaılar týraly aıtty.
О́z kezeginde, EEK Memlekettik satyp alý salasyndaǵy básekelestik saıasat departamentiniń Memlekettik satyp alý saıasatyn iske asyrý bóliminiń bastyǵy Ádilbek Bektibaev EAEO Memlekettik satyp alý arqyly ónerkásiptik kooperasııany qoldaý týraly aıtyp berdi. Sondaı-aq ol 2020 jyly Qazaqstannyń EAES-daǵy memlekettik satyp alý kólemindegi úlesi 12,5%-dy, aqshalaı mánde 16,89 mlrd AQSh dollaryn quraǵanyn aıtty.
Sodan keıin QMJO tóraǵasynyń orynbasary Erqanat Maqanov qatysýshylarǵa Qazaqstannyń mashına jasaý salasynyń damý kórsetkishteri týraly aıtyp berdi. Ol Qazaqstandaǵy mashına jasaý óniminiń óndiris kólemi men ımport kóleminiń dınamıkasyn atap ótti. Sondaı-aq qatysýshylarǵa ónerkásiptik kooperasııa perspektıvalary jáne munaı-gaz, taý-ken metallýrgııasy jáne aýyl sharýashylyǵy mashınasyn jasaýdaǵy ózara tıimdi yntymaqtastyq týraly aıtyldy.
Almaty aýyr mashına jasaý zaýytynyń bas dırektory Jetpisbaı Edigenov reseılik seriktesterdi mashına jasaý salasy úshin quıý, shyńdaý jáne qalyptaý óndirisi boıynsha bazalyq kásiporyndardy damytýda yntymaqtastyqqa shaqyrdy.
«Bolat jáne surypty prokat bizdiń elderimiz arasyndaǵy ónerkásiptik yntymaqtastyq úshin basym taýarlar bolyp tabylady. Qazaqstandyq mashına jasaýshylardy qolaıly sharttarda metalmen qamtamasyz etý úshin birlesken kúsh-jiger qabyldaý qajet», dedi AAMZ basshysy.
Qazaqstandyq avtobıznes qaýymdastyǵynyń vıse-prezıdenti Anar Maqasheva kólik quraldary men olardyń quramdas bólikterin óndirý aıasyndaǵy kooperasııa men perspektıvalar týraly aıtyp berdi.
Sondaı-aq dóńgelek ústel barysynda «Inkar-1» JShS dırektory Qýandyq Nurpeıisov mashına jasaý salasy úshin kadrlar daıarlaý áleýeti týraly aıtyp, osy baǵytta birlesken kúsh-jiger jumsaý qajettigin atap ótti.
Is-shara sońynda qazaqstandyq delegasııa áriptesterdi 2021 jylǵy 22-24 qyrkúıek aralyǵynda Nur-sultan qalasynda ótetin Qazaqstan mashına jasaýshylar forýmy men mashına jasaý jáne metall óńdeý jónindegi «Kazakhstan Machinery Fair 2021» I halyqaralyq mamandandyrylǵan kórmesine shaqyrdy.