Oblystyq TJD baspasóz qyzmetiniń málimetinshe, oqıǵa 25 mamyrda bolǵan. Qaıǵyly oqıǵa týraly Arshaly aýdandyq polısııa bólimshesine saǵat 17:23-te habarlama túsken. №42 razezd stansııasynyń janynda eki bala sýǵa batyp ketkeni habarlady, dep jazady Egemen.kz
Qutqarýshylar oqıǵa ornyna jetip, №42 razezd stansııasynan 200 metr qashyqtyqtaǵy sýǵa 2013 jyly týǵan eki birinshi synyp oqýshysy batyp ketkenin anyqtaǵan.
«Mán-jaıdy naqtylaý kezinde, sondaı-aq kýágerlerdi (marqumnyń ákesi) sózge tartqanda úıden úsh balanyń suranbastan shyǵyp, joǵaryda atalǵan aımaqqa shomylýǵa ketkeni anyqtaldy. Keshki saǵat 16:30 shamasynda kishi uly úıge júgirip kelip, ákesine sýdaǵy aǵalarynyń kómek suraǵanyn aıtady. Saǵat 16:55-te ákesi sýdan ulynyń denesin alyp shyqqan. Keıinnen Nur-Sultan TJD «OSO» qutqarýshylary sýǵa batqan ekinshi balany alyp shyqty», delingen habarlamada.