О́tken táýlikte Almaty oblysynda 465 adam koronavırýstan emdelip shyqty. О́ńirde indetti juqtyrǵandar sany azaıyp keledi, dep habarlaıdy Egemen.kz.
Aıta keteıik, ótken táýlikte Almaty oblysynda 97 adamnan koronavırýs anyqtaldy.
Taldyqorǵan qalasynyń ózinde 29 jaǵdaı, Ile aýdanynda – 13, Talǵar aýdanynda – 11, Jambyl aýdanynda – 8, Eńbekshiqazaq aýdanynda – 7, Eskeldi aýdanynda – 6, Qarasaı, Qaratal aýdandarynda 5 jaǵdaıdan, Sarqan aýdanynda – 4, Uıǵyr aýdanynda – 3, Kerbulaq jáne Panfılov aýdandarynda 2 jaǵdaıdan, Balqash aýdany men Tekeli qalasynda 1 jaǵdaıdan tirkeldi.
О́ńir «jasyl» aımaqta.
Almaty oblysyndaǵy aýrýhanalarda 1 382 adam em qabyldaýda, sonyń 43-niń jaǵdaıy aýyr. Bir táýlikte 134 adam aýrýhanalarǵa jatqyzyldy. Juqpaly aýrýlar stasıonarlaryndaǵy oryndar 42,9 %-ǵa tolǵan.
О́tken táýlikte oblys boıynsha 465 adam koronavırýs indetinen emdelip shyqty.
«Sońǵy 3 kúnde 6 754 adamnyń synamalary PTR zerthanalarda tekserildi. Naýqastarmen qarym-qatynasta bolǵan 40 adam anyqtalyp, barlyǵy úı karantınine jiberildi jáne medısına qyzmetkerleriniń baqylaýyna alyndy.
Almaty oblysy boıynsha koronavırýsqa qarsy vaksınanyń 1-shi komponentin alǵandar sany – 216 319. Sonyń ishinde ótken kúni ekpe alǵandar sany – 1 877. Ekpeniń 2-shi komponentin alǵandar sany – 124 845. Sonyń ishinde ótken kúni ekpe alǵandar sany – 2 558», delingen Almaty oblysy ákiminiń baspasóz qyzmeti taratqan habarlamada.