Almaty oblysynyń Sharyn shatqalynda sel júrip, 2 adam mert boldy. Taǵy 6 adam zardap shekti, dep habarlaıdy Egemen.kz.
Taratqan habarlamada, kóz jumǵan adamnyń biri kámelettik jasqa tolmaǵan jasóspirim ekendigi aıtylǵan.
«29 mamyr kúni kúndizgi saǵat 13:35 shamasynda Sharyn shatqalynda sel júrip eki adamnyń mert bolǵany jóninde habarlama tústi. Onyń bireýi kámelettik jasqa tolmaǵan jasóspirim. Zardap shekkenderge jedel túrde medısınalyq kómek kórsetildi», dep málimdedi Almaty oblystyq Tótenshe jaǵdaılar departamentiniń baspasóz qyzmetinen.
Resmı aqparatqa sáıkes, qazir oqıǵa ornynda 31 qutqarýshy, 8 tehnıka jáne jedel járdemniń 4 kóligimen 6 qyzmetkeri jumys istep jatyr.