QR Bilim jáne ǵylym mınıstrligi Sharyn shatqalynda oryn alǵan qaıǵyly oqıǵadan qaza tapqandardyń otbasyna kóńil aıtty, dep habarlaıdy Egemen.kz.
«Keshe Sharyn shatqalynda qaıǵyly oqıǵa oryn aldy. О́kinishke oraı, kelip túsken aqparatqa sáıkes, ekskýrsııaǵa barǵandardyń arasynda Almaty qalasyndaǵy №199 gımnazııanyń 8 oqýshysy bolǵan. Olardy 5 ata-ana men 3 muǵalim ertip júrgen. Qaıǵyly oqıǵa saldarynan 1 oqýshy men beıindik pán muǵalimi kóz jumdy, taǵy bir oqýshyny izdeý jumystary jalǵasyp jatyr. Qaza bolǵandardyń otbasylaryna qaıǵylaryna ortaqtasyp, kóńil aıtamyz jáne zardap shekkenderdiń tezirek saýyǵyp ketýin tileımiz», delingen mınıstrlik aqparatynda.
Sonymen qatar vedomstvo ata-analar men muǵalimderge saparǵa shyqqan kezde barynsha saq bolý kerektigin eskertedi.
«Oqý jyly aıaqtalǵan kezde muǵalimder men ata-analar óz saparlaryn josparlap qoıǵan bolar. Osy rette ózderińizge jáne balalaryńyzǵa saq bolýlaryńyzdy suraımyz. Múmkindiginshe abaı bolyp, balalarmen demalýǵa ne ekskýrsııaǵa barǵanda, sý qoımalaryna túspegenińiz abzal. Sonymen birge qaýipti aımaqtarǵa jaqyndamaı, árdaıym balalaryńyzdyń janynda bolyńyzdar. О́ıtkeni Sizdiń ómirińiz ben amandyǵyńyzdan qymbat eshteńe joq», dep eskertedi Bilim mınıstrliginen.