Batys Qazaqstan oblysynda bir kúnde eki adam sýǵa ketti, dep habarlaıdy Egemen.kz.
BQO TJ departamentiniń baspasóz qyzmetiniń málimdeýinshe, birinshi oqıǵa 30 mamyr kúni Aqjaıyq aýdany Esensaı aýyly tusynda Jaıyq ózeninde boldy.
Saǵat 15.24-te Esensaıdan Chapaevqa qaraı jetkizetin paromda tejegish quralynyń aqaýy saldarynan «VAZ-2121» avtokóligi sýǵa ketti. Onyń ishinde 49 jastaǵy júrgizýshi bolǵan.
Saǵat 19.14-te jedel qutqarý jasaǵynyń kúshimen (4 adam, 1 tehnıka) júrgizýshiniń múrdesi men avtomobıl sýdan shyǵaryldy.
Sondaı-aq taǵy bir qaıǵyly oqıǵa jeksenbi kúni Báıterek aýdany Peremetnyı aýylynda boldy. Saǵat 19.00-de Derkól ózenine shomylýǵa belgilenbegen jerden túsken 24 jastaǵy jigittiń denesin kýágerler alyp shyqqan. Ol belgisiz jaǵdaıda batyp ketken.
BQO TJ departamenti sýda qaýipsizdik erejesin saqtaý qajettigin taǵy da eske salady.