Nur-Sultan qalasy sport mektepteriniń balalary arasynda buqaralyq velojarys ótti. Balalardy qorǵaý kúnine, sondaı-aq el táýelsizdiginiń 30 jyldyǵyna arnalǵan is-sharaǵa balalar men jasóspirimderden quralǵan 200-ge jýyq adam qatysty, dep habarlaıdy Egemen.kz elorda ákimdiginiń resmı saıtyna silteme jasap.
Velojarysqa qatysýshylar úsh shaqyrym qashyqtyqty velosıpedpen júrip ótti. Velojarys sońynda qatysýshylar arasynda utys oıyny oınatylyp, baǵaly syılyqtar, velosıpedter, velosportqa qajetti qural-jabdyqtar tabystaldy.
Sondaı-aq «Vıtrına nedvıjımosteı» JShS atynan nomeri №6 Balalar men jasóspirimderdiń mamandandyrylǵan olımpıadalyq rezerv sport mektebiniń oqýshylaryna velosıpedke arnalǵan bas kıimder tabystaldy.
Velojarys karantın sharalaryn saqtaı otyryp uıymdastyryldy.