Keshe Premer-Mınıstr Kárim Másimov TMD elderi bilim berý júıesi qyzmetkerleriniń I sezine kelgen Ázirbaıjan, Armenııa, Belarýs, Qyrǵyzstan, Reseı jáne Tájikstan delegasııalary basshylarymen kezdesti, dep habarlady Premer-Mınıstrdiń baspasóz qyzmeti.
Kezdesýge TMD-ǵa múshe memleketterdiń Bilim berý salasyndaǵy qyzmettestik jónindegi keńesiniń tóraǵasy Vasılıı Strajev, Reseı Federasııasynyń bilim jáne ǵylym mınıstri Andreı Fýrsenko, Armenııa Respýblıkasynyń bilim jáne ǵylym vıse-mınıstri Manýk Mkrtchıan jáne basqalar qatysty.
Premer-Mınıstr forýmnyń Dostastyq elderiniń bilim berý qaýymdastyǵynyń ıntegrasııalanýyndaǵy, memleketaralyq qyzmettestikti damytý men bilim berý úderisin modernızasııalaýdaǵy mańyzdylyǵyn atap kórsetti. Ol qonaqtarǵa Qazaqstannyń 2020 jylǵa deıingi damýynyń strategııalyq josparynda belgilengen eldiń daǵdarystan keıingi damýynyń jańa mindetterin eskere otyryp, Memleket basshysynyń tapsyrmasy boıynsha ázirlengen Qazaqstan Respýblıkasynda 2011-2020 jyldary bilim berýdi damytýdyń memlekettik baǵdarlamasy jóninde baıandady.
Sezge qatysýshylar forýmdy uıymdastyrý men ótkizýdiń joǵary dárejede bolǵany úshin rızashylyqtaryn bildirip, Astanada ótken sezdiń Qazaqstan Respýblıkasynda bilim berý salasynda júrgizilip jatqan reformalarǵa Dostastyqtyń pedagogtar qaýymy bergen joǵary baǵalaryna naqty dálel bolatyndyǵyn atap kórsetti.