QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologııalyq jaǵdaı qaraldy. Densaýlyq saqtaý mınıstri Alekseı Soı halyqty vaksınalaýdyń qazirgi jaǵdaıy men barysy týraly baıandady, dep habarlaıdy Egemen.kz.
«Búgingi kúni vaksınanyń 3,2 mln dozasy paıdalanyldy, onyń 1-komponenti boıynsha 2 131 519 adam egildi, bul tıisti halyqtyń 21%-yn quraıdy. Ekinshi komponentpen 1 074 954 adam qamtyldy.
Búgingi kúni egý pýnkterinde vaksınanyń sany jetkilikti, birinshi komponenttiń 330 myń doza, ekinshi komponenttiń 811 myń doza vaksına bar. Maýsym aıynda KVI vaksınasynyń 2 mln-ǵa jýyq qosarly dozasy jetkiziledi dep kútilýde, búgin «CoronaVac» vaksınasynyń 500 myń dozasy alyndy. Osylaısha Qazaqstanda 4 vaksına qoljetimdi bolady», dedi A. Soı.