Soltústik Qazaqstan oblysynyń Mergen aýylynda bir úıdiń 9 jáne 11 jastaǵy eki balasy sýǵa batyp ketti, dep habarlaıdy Egemen.kz.
Kópbalaly otbasy aýyl irgesindegi kólge baryp demalmaq bolǵan. Anasy kenjesin emizip otyrǵanda úıdiń úlken qyzy men uly sýǵa shomylmaq bolyp, batyp ketken. Bir sátte eki perzentinen aırylǵan áıel olardy nazardan tys qaldyrǵanyn aıtyp otyr.
TJ ókilderiniń málimetinshe, uldyń denesin sýdan ógeı ákesi alyp shyqqan.
«Anasynyń aıtýynsha, ol úıdiń kenjesin emizý úshin palatkaǵa kirgen eken. О́zge balalar osy sátte qaraýsyz qalǵan. Syrtqa qaıta shyqqanda jaǵada es-tússiz jatqan ulyn kórgen. Al, kúıeýi bul sátte qyzdy izdep qaıta sýǵa túsken», deıdi SQO boıynsha TJD basshysynyń orynbasary Muran Kangýjınov.
Qyzdyń denesin sýdan qutqarýshylar alyp shyqty. Aldyn ala boljam boıynsha, sýdyń astynda shuńqyrlar kóp bolǵan, júze almaıtyn balalar sol jerge túsip ketken.
Belgili bolǵandaı, qaıǵyly oqıǵa bolǵan sátte balalardyń ógeı ákesi masań kúıde bolǵan.