Kórnekti ǵalym, fılosofııa ǵylymynyń doktory, professor Saǵadı Baıuzaquly Bólekbaev dúnıeden ozdy. Bul týraly ǵalymnyń fılosofııa kafedrasyndaǵy áriptesteri habarlady.
«Búgin qazaq fılosofııasy ǵylymy aýyr qazaǵa dýshar boldy. Áıgili oıshyl-fılosof Aǵyn Qasymjanovtyń izbasary, kórnekti ǵalym, fılosofııa ǵylymynyń doktory, professor Saǵadı Baıuzaquly Bólekbaev dúnıeden ozdy. Marqumnyń otbasy men týǵan-týystaryna kafedra ujymy atynan qaıǵyryp kóńil aıtamyz. Jatqan jerińiz jaryq, topyraǵyńyz torqa bolsyn!», delingen ál-Farabı atyndaǵy Qazaq ulttyq ýnıversıteti Fılosofııa jáne saıasattaný fakýlteti Fılosofııa kafedrasy taratqan habarlamada.
Professor Saǵadı Bólekbaev – jarty ǵasyrǵa jýyq ǵumyryn ǵylym men ustazdyqqa arnaǵan belgili ǵalym, pedagog, qoǵam qaıratkeri, Saıası ǵylymdar jáne Zań ǵylymdary akademııalarynyń akademıgi. QR BǴM-niń ulttyq sarapshysy, Qazaqstan halqy assambleıasynyń keńesshisi, QR Mádenıet mınıstrligi Din isteri jónindegi komıteti sarapshylar keńesiniń múshesi, Almaty qalasyndaǵy aqparattyq-taldaý ortalyǵynyń múshesi bolǵan.
Professor Saǵadı Bólekbaev sheteldik ǵylymı ortalarda da tanymal tulǵa. Ǵalymnyń 50-den astam ǵylymı eńbegi Chehııa, Polsha, Nıderland, Germanııa, Pákistan, Reseı, Ýkraına, О́zbekstan, Túrkmenstan, Qyrǵyzstan, Ázerbaıjan jáne t.b. elderde jarııalanǵan.