О́skemendegi aǵash japyraqtary bir kúnde sarǵaıyp ketken, dep habarlaıdy Egemen.kz.
Qala turǵyndary buǵan ónerkásiptik kásiporyndardyń shyǵaratyn zııan qaldyqtary sebep bolǵanyn aıtady.
«Bul gazdan ekenine senimdimin. Qarańyzshy, eń kóp zardap shekken qaıyń, terek jáne shetender, ıaǵnı ártúrli toptaǵy aǵashtar, sondyqtan qurt, bite nemese aýrýlar buǵan sebep bola almaıdy», deıdi qala turǵyny Olga Ivanova.
Ekologtar aǵashtardyń bulaı sarǵaıyp ketýine ne sebep bolǵanyn ázirge naqty aıta almaı otyr.
«Biz sarǵaıǵan aǵashtardyń aınalasyndaǵy topyraqty zerttedik, onyń sebebi kóp bolýy múmkin, sonyń ishinde tehnogendik sıpattaǵy áserler de bar. Biraq bul nusqany rastaý úshin zerthanalyq zertteýler qajet, onsyz bul gazdyń áseri dep aıtýǵa bolmaıdy. Qazirgi ýaqytta biz fıtoekspertızany júrgize alatyn zerthana izdep jatyrmyz», dedi ekologııalyq qaýipsizdik ortalyǵynyń mamany Elena Polıanseva.