Oblystyq Tótenshe jaǵdaılar departamentiniń baspasóz qyzmeti 1 maýsymda Áýlıekól aýdanyndaǵy Obaǵan ózininde áıeldiń sýǵa batyp ketkeni týraly habarlaıdy, dep jazady Egemen.kz.
Belgili bolǵandaı, Balalardy qorǵaý kúni áıel Qusmuryndaǵy dostarymen birge sý qoımasyna demalýǵa barǵan.
«Kýágerlerdiń aıtýynsha, bir top demalýshy shomylýǵa jabdyqtalmaǵan jerde alkogoldi sýsyn ishken. Qutqarýshylar 1990 jyly týǵan áıeldiń denesin jaǵadan tórt metr jerden tapty. Súńgýirler izdeý kezinde ýchaskede ózen túbiniń relefiniń kúrt kólbeýi bar ekenin rastady», delingen TJD habarlamasynda.
Departament oblys turǵyndarynan sý aıdyndarynda qaýipsizdik erejelerin qatań saqtaýdy suraıdy.