Búgingi tańda iKOMEK109 biryńǵaı baılanys ortalyǵy kommýnaldyq kásiporyndardyń barlyq baılanys ortalyqtaryn biriktirgen jáne turǵyndarmen baılanys ornatýdyń biryńǵaı quraly. iKOMEK servısin jyl saıyn 600 myńnan astam elorda turǵyny paıdalanady. Ortalyq ashylǵan kúnnen beri 6 mıllıonǵa jýyq ótinish qabyldandy, dep habarlaıdy Egemen.kz elorda ákimdiginiń resmı saıtyna silteme jasap.
Osylaısha iKOMEK ortalyǵy:
2017 jyly – 200 myń ótinish;2018 jyly – 1 037 myń ótinish;2019 jyly – 1 670 myń ótinish;2020 jyly - 2 197 myń ótinish qabyldady.
Osy jyldyń bes aıy ishinde 1 mıllıonnan astam ótinish qabyldandy.
Qala turǵyndary arasyndaǵy mynandaı úsh másele óte ózekti:
densaýlyq saqtaý (emhanaǵa tirkelý, dárigerdi úıge shaqyrý jáne t.b.);
qoǵamdyq kólik (jumys rejımi, baǵdarlar jáne tólem tásilderi boıynsha suraqtar);
koronavırýs (ekpeni qaıdan alady, sımptomatıka, jumys kestesi)
Aıtyp ótetin jaıt, ótinishterdiń 86,3% «birinshi qońyraýdan», ıaǵnı habarlasqan boıda sheshiledi.
«iKOMEK – úzdik halyqaralyq praktıkalardy, atap aıtqanda AQSh tájirıbesin memlekettik basqarý salasynda engizýdiń jarqyn úlgisi. Biz qala turǵyndarymen ózara baılanys ornatý jáne turǵyndardy qala damýyna jumyldyrý úshin TMD-daǵy biregeı jobany jasap shyǵardyq. AQSh mundaı úlgini (3-1-1 jáne 9-1-1) 28 jyl ishinde engizdi, al biz bul tájirıbeni 6 aı ishinde engizdik. Halyqaralyq sarapshylar bizdiń komandamyzǵa úsh jyl qatarynan «Hrýstal garnıtýra» tabystap, iKOMEK jumysyna joǵary baǵa berdi. Degenmen eń bastysy – turǵyndardyń oń pikiri men alǵysyn aldyq», deıdi iKOMEK qalalyq ortalyǵynyń basshysy Jannat Dúbirova.
iKOMEK109-ǵa kelip túsetin ótinishter sanynyń ósýi turǵyndardyń elorda damýyna belsene atsalysatynyn bildiredi. Árbir qala turǵyny iKOMEK-ke júginse, keri baılanys alatynyn biledi. Bastysy shet qalmaý kerek: sýretke túsirip, mekenjaıdy kórsete otyryp, problemany jetkizse boldy. О́tinishterdi atqarý nátıjesinde árbir problema boıynsha baılanys ornatylady jáne túrli formada jaýap (qaıta qońyraý shalý, áleýmettik jelilerdegi jeke paraqshaǵa beınesep joldaý jáne t.b.) beriledi.
Sonymen qatar baılanys ortalyqtary salasyndaǵy halyqaralyq sarapshylar úshinshi jyl qatarynan iKOMEK109 qalalyq ortalyǵyn TMD-daǵy úzdikterdiń úzdigi dep moıyndap otyr. 2019 jyly «iKOMEK» ortalyǵy «Baılanys ortalyǵyn qurýdyń/biriktirýdiń úzdik jobasy» atalymynda baılanys ortalyqtary ındýstrııasynyń «Oskaryn» ıelendi. 2020 jyly «Klıentterdi taldaýdyń, zertteý men túsinýdiń úzdik tájirıbesi» atalymynda jeńip aldy. Bıyl iKOMEK baılanys ortalyqtary men klıentterge qyzmet kórsetý salasyndaǵy úzdik «Hrýstal Garnıtýrasy» halyqaralyq baıqaýynda «Sıfrlyq jańǵyrtý men transformasııalaýdyń úzdik baǵdarlamasy» atalymy boıynsha marapatqa ıe boldy. Bul baıqaýdan marapat alý iKOMEK ortalyǵynyń dástúrine aınaldy.
Esterińizge sala keteıik, iKOMEK109 biryńǵaı baılanys ortalyǵyna 109 qysqa nómiri (qalalyq jáne mobıldi telefondar úshin tegin) arqyly, sondaı-aq balama tásildermen júginýge bolady:
- ákimdiktiń resmı saıty astana.gov.kz;
- iKOMEK109 mobıldi qosymshasy (PlayMarket/AppStore);
- Telegram chat-boty (t.me/nursultanikomek109_bot);
- Smart Astana mobıldi qosymshasy (PlayMarket/AppStore);
- 109@ikomekastana.kz elektrondyq poshtasy.