«Samuryq-Qazyna» ulttyq ál-aýqat qoryn basqarý jónindegi keńestiń Tóraǵasy «Qazaqstan temir joly» ulttyq kompanııasy» aksıonerlik qoǵamy basqarmasynyń tóraǵasy Nurlan Saýranbaevty qabyldady, dep habarlaıdy Egemen.kz.
Kezdesýde Qazaqstannyń Tuńǵysh Prezıdenti táýelsizdik jyldaryndaǵy elimizdegi ınfraqurylymdyq damý nátıjelerine toqtalyp, temir jol jelilerin keńeıtý salasyndaǵy jetistikterdi atap ótti.
– Biz ınfraqurylymdyq jobalardy iske asyrý úshin kóp jumys atqardyq. Osy ýaqyt ishinde eki jarym myń shaqyrym temir jol salyndy. Sóıtip, elimizdiń temir jol jelilerin damyttyq, – dedi Elbasy.
Nursultan Nazarbaevqa eldiń kólik-logıstıkalyq áleýetin iske asyrý, eksporttyq jáne tranzıttik tasymaldy ulǵaıtý, kórsetiletin qyzmet sapasyn arttyrý baǵytynda kompanııanyń atqaryp jatqan sharalary týraly baıandaldy.