Qostanaı oblysy Meńdiqara aýdanyndyq bilim bóliminiń bastyǵy Qalybek Júginisov óz-ózine qol jumsady, dep habarlaıdy Egemen.kz.
«TobolInfo» dereginshe, qaıǵyly oqıǵa bir kún buryn Borovskoe aýylynda bolǵan. Qalybek Júginisov 2 aptaǵa jýyq úı qamaýynda bolyp, sotqa deıingi tergeý júrgizilgen eken. Oǵan sybaılas jemqorlyqqa qatysy bar degen aıyp taǵylǵan. 2 maýsymda áıeli Qostanaıǵa ketkende ol úıde jalǵyz qalǵan. Keshke týystary ony asylyp qalǵan kúıinde tapty.
«Qalybek Baıjanuly Qyzylorda oblysynyń týmasy. Ol 2015 jyly Qostanaı oblysyna kelip, Meńdiqara aýdany ákiminiń orynbasary qyzmetine ornalasty. Úsh jyl buryn ol aýdandyq bilim bóliminiń bastyǵy bolyp taǵaıyndaldy. Bizdiń ujym ony qatty qurmetteıtin. О́te jaýapty adam bolatyn. Biz onyń otbasyna qaıǵyra kóńil aıtamyz», dedi Meńdiqara aýdandyq bilim bóliminiń bastyǵy mindetin atqarýshy Azamat Janaıdarov.
Qalybek Júginisovtiń zeınetke shyǵýyna úsh jyl qalǵan edi. Onyń artynda áıeli men úsh eresek balasy qaldy.