Petropavl turǵyny alaıaqtarǵa aldanyp, segiz mıllıonnan astam teńgesinen aıyryldy, dep habarlaıdy Egemen.kz.
Petropavl polıseıleri turǵyndardan saq bolýdy jáne «banktiń qaýipsizdik qyzmetinen qońyraý shalyp turmyz» degen alaıaqtardyń quıtyrqy áreketterine senbeýdi suraıdy.
Internet alaıaqtar Petropavldyń 44 jastaǵy turǵynyna segiz mıllıon teńgeden astam shyǵyn keltirgen. Áıel «banktiń qaýipsizdik qyzmetinen qońyraý shalyp turmyz» degen alaıaqtardyń sózine senip qalǵan. Beıtanys daýys oǵan shotynda kúdikti áreketter júrgizilip jatyr dep habarlaǵan. Aqshany saqtap qalý úshin ony qosalqy shotqa aýdarý qajet ekenin aıtqan. Áıel qylmyskerlerdiń nusqaýyn oryndap, barlyq jıǵan-tergeninen aıyrylyp qalǵan.
Atalǵan fakti QR Qylmystyq kodeksiniń 190-baby 3-b. (Alaıaqtyq) boıynsha Sotqa deıingi tergep-tekserýlerdiń biryńǵaı tizilimine engizildi. Polıseıler qala turǵyndarynan qaskóılerdiń jalǵan sózderine senbeýdi suraıdy.