QR Parlament Senatynyń tóraǵasy Máýlen Áshimbaev qazaqstandyqtardy Memlekettik rámizder kúnimen quttyqtady. Bul týraly Senat spıkeri feısbýktegi paraqshasynda jazba qaldyrdy, dep habarlaıdy Egemen.kz.
«Qurmetti dostar! Barshańyzdy Memlekettik rámizder kúnimen quttyqtaımyn! Bul – eldik pen egemendikti dáripteıtin, ulttyń rýhyn asqaqtatyp, otanshyldyq sezimin arttyratyn aıryqsha mereke. Bizdiń Týymyz, Eltańbamyz jáne Ánuranymyz Táýelsizdigimizdiń negizgi nyshany, memlekettiligimizdiń basty belgisi. Byltyr Prezıdentimiz Qasym-Jomart Kemeluly Toqaev Memlekettik týdy keńinen qoldanýǵa qatysty azamattardyń usynysyna qoldaý bildirgeni belgili. Sonyń nátıjesinde tıisti sheshimder qabyldanyp, kók baıraǵymyzdy paıdalaný aıasy keńeıtildi. Munyń ózi táýelsizdigimizdi nyǵaıtý jolyndaǵy qadamdardyń biri ekeni sózsiz. Ultty ortaq múddege uıystyratyn mereke qutty da uzaǵynan bolsyn. Táýelsiz Qazaq eli jasaı bersin!», dep jazdy Máýlen Áshimbaev.