Qazaqstannyń bas sanıtar dárigeriniń jańa qaýlysymen kúndizgi stasıonarda josparly emdelýdiń tártibi bekitildi, dep habarlaıdy Egemen.kz
Qaýlyda PTR-testiń 3 táýlikten aspaıtyn teris nátıjesi bar anyqtama nemese COVID-19-ǵa qarsy vaksınanyń tolyq kýrsyn alǵanyn rastaıtyn qujat bolsa, bosaný kezinde seriktes bolýǵa ruqsat beriletini aıtylǵan.
Kúndizgi stasıonarlarǵa qatysty mynadaı tártip engizildi: «Pasıentterdi, onyń ishinde júkti áıelderdi, bosanǵan áıelderdi jáne balalardy stasıonarǵa (onyń ishinde kúndizgi stasıonarǵa) josparly emdeýge jatqyzý berilgen kúninen bastap 5 táýlikten aspaıtyn testileý nátıjesi nemese COVID-19-ǵa qarsy vaksınasııanyń tolyq kýrsyn alǵanyn rastaıtyn qujat bolǵanda júzege asyrylady», dep jazylǵan qaýlyda.
Sonymen birge bankter, Halyqqa qyzmet kórsetý ortalyqtary, «Qazpochta» AQ bólimsheleriniń jumysy saǵat 9:00-den 18:00-ge deıin bekitildi. Qaýly 2021 jylǵy 5 maýsym saǵat 00:00-den bastap kúshine enedi.