Shymkentte alaıaqqa aldanǵan turǵyn 2,6 mln teńgesinen aıyrylyp qaldy, dep habarlaıdy Egemen.kz.
2021 jyldyń 2 maýsymynda Shymkent qalasy Polısııa departamenti Ál-Farabı aýdandyq polısııa basqarmasynyń «102» symtetigine qala turǵyny aryzdanǵan. Ol óz aryzynda belgisiz adam salǵan aqshasyn «On paıyzǵa» kóbeıtip beremin dep senimine kirip, alaıaqtyq jolmen 2 600 000 teńge aqshasyn esep shotyna aýdaryp alǵanyn jáne osy kúnge deıin keri qaıtarmaı, qashyp júrgenin kórsetken.
Shymkent qalasy PD Ál-Farabı aýdandyq PB Krımınaldyq polısııa bóliminiń qyzmetkerleri jedel-izdestirý is-sharalaryn júrgizý barysynda jergilikti turǵyndy anyqtap, ustady. Tekserý jumystary júrgizilýde.