Indýstrııa jáne ınfraqurylymdyq damý mınıstrligi Azamattyq avıasııa komıteti ushqyshsyz apparattardy esepke qoıýdyń tártibin túsindirdi, dep habarlaıdy Egemen.kz.
«Qazaqstannyń avıasııa ákimshiligi ushqyshsyz ushaqtardy esepke alýdy Qazaqstan Respýblıkasynyń azamattyq áýe kemelerin jáne olarǵa quqyqtardy memlekettik tirkeý qaǵıdalary boıynsha júrgizedi. Maksımaldy ushý massasy 1,5 keliden asatyn pılotsyz ushý apparattary, sondaı-aq maksımaldy ushý massasy 0,25 keliden asatyn «erekshe» sanattaǵy operasııalardy oryndaıtyn pılotsyz ushý apparattary esepke alýǵa jatady», dep jazady komıtet mamandary.
Pılotsyz apparatty satyp alýshylar ony esepke qoıý úshin tıisti qujattarmen birge ótinish beredi. Keıin quzyrly organ 5 jylǵa nemese apparatty jaldaý shartynyń merzimi aıaqtalǵanǵa deıin esepke qoıý týraly kýálik beredi.
«Pılotsyz ushý apparatyn esepten shyǵarý da osy tártippen iske asady. Usynylǵan qujattar sáıkes kelgen jaǵdaıda Qazaqstannyń avıasııa ákimshiligi ótinish berýshige apparatty esepten shyǵarý týraly kýálik beredi. Esepke alý jáne shyǵarýǵa 30 jumys kúni bólingen. Esepke qoıý týraly kýálikti berýden bas tartý ótinim kelip túsken kúnnen bastap 15 jumys kún ishinde jazbasha túrde júzege asyrylady», dep jazady komıtettiń baspasóz qyzmeti.
Mundaı apparat ıeleri anyqtalǵan kemshilikti joıyp, Qazaqstannyń avıasııa ákimshiligine qaıta júgine alady.
Qujattardy Nur-Sultan qalasy, Máńgilik el dańǵyly 55/15, S2.3 blogy mekenjaıyna nemese frontoffice@caakz.com poshtasyna jiberýge bolady.