Búgin dzıýdodan Býdapeshte ótip jatqan álem chempıonatynda erler 66 kılo jáne áıelder 52 kılo salmaq dárejeleriniń júldelerin sarapqa salady, dep habarlaıdy Egemen.kz.
Erler saıysynda el namysyn Eldos Jumahanov qorǵaıdy. 2015-2019 jyldar aralyǵynda Azııa chempıonatynda tórt márte júldegerler sanatynan kóringen qandasymyz bul kúnderi álemdik reıtıngte 13-orynda tur. О́ziniń alǵashqy kezdesýin ol Adrıan Gambochqa qarsy ótkizedi. 26 jastaǵy Slovenııanyń sportshysy 2017 jyly Eýropa birinshiliginde kúmis medaldi ıelense, 2018 jyly bas júldeni oljalady. 2016 jyly Rıo Olımpıadasynda ol qola medal úshin básekede ózbekstandyq Rıshod Sobırovtan utylyp, besinshi orynǵa taban tiregen edi. Qazirgi kezde Gamboch úzdikter tiziminde 25-satyǵa jaıǵasty. Osy kezdesýdiń jeńimpazy fılıppındik Nakano Shýgen men aýstralııalyq Natan Kats arasyndaǵy beldesýde baǵy janǵan balýanmen kúsh synasady.
Áıelder básekesinde Nursulý Eralıevaǵa senim artamyz. Kelesi kezeńde qazaq qyzy Olımpııa oıyndary men álem chempıonatynyń qola júldegeri, Eýropa oıyndarynyń jeńimpazy, qurlyq chempıony belgııalyq Sharlın van Snıkpen sheberlik baıqasady.