Bul jaıynda BUU Bas hatshysy Antonıý Gýterrısh Ortalyq kommýnıkasııalar qyzmetinde brıfıng qatysýshylaryna joldaǵan beıne úndeýinde aıtty, dep habarlaıdy Egemen.kz.
Spıkerdiń aıtýynsha, osylaısha adamzat ómir súrý úshin qajetti azyq-túlikten, sýdan jáne resýrstardan aıyrylýy múmkin. Tabıǵı álemniń tozýy qazirdiń ózinde 3,2 mıllıard adamnyń nemese álem halqynyń 40%-nyń ál-aýqatyna áser etýde. Baqytymyzǵa oraı, keltirilgen zalaldy túzetýge ýaqyt bar. Sondyqtan BUU ekojúıelerdi qalpyna keltirý jónindegi onjyldyqty bastaıdy.
«Bul jahandyq túzetý úkimetterdi, bıznes-sektordy, azamattyq qoǵamdy jáne qarapaıym azamattardy jerdi saýyqtyrýǵa buryn-sońdy bolmaǵan kúsh-jiger jumsaý arqyly biriktiredi. Ekojúıeni qalpyna keltire otyryp, biz turaqty damý salasyndaǵy barlyq maqsattarǵa qol jetkizýge yqpal etetin ózgeristerge qol jetkize alamyz. Bul monýmentaldy mindet. Ormandardy qaıta otyrǵyzyp, qorǵaýymyz kerek, ózender men teńizderdi tazartyp, qalalardy kógaldandyrýymyz qajet. Bul qadamdar planetanyń resýrstaryn qaýipsizdendirip qana qoımaı, 2030 jylǵa qaraı mıllıondaǵan jańa jumys orynyn qurýǵa, jyl saıyn 7 trıllıon dollardan astam kiris alýǵa jáne kedeılik pen ashtyqty joıýǵa septigin tıgizedi. Birikken Ulttar Uıymynyń ekojúıelerdi qalpyna keltirý jónindegi onjyldyǵy – bul áreket etýge jahandyq úndeý», dep atap ótti halyqaralyq uıymnyń basshysy.
Bul is-sharany ótkizý saıası qoldaýdy, ǵylymı zertteýlerdi jáne qalpyna keltirý jumystaryn aýqymdy túrde ulǵaıtý úshin qarjylyq ınvestısııalar tartýdy qajet etedi. Sondyqtan árkim óz úlesin qosa alady.
«Ǵylym bizge aldaǵy 10 jyl – klımattyq apattyń aldyn alýdyń, lastanýdyń taralýyn jáne bıologııalyq túrlerdiń joıylýyn toqtatýdyń sońǵy múmkindigi ekenin eskertip otyr», dep qorytyndylady sózi A. Gýterrısh.