Qazaqstan qarjygerler qaýymdastyǵynyń tóraǵasy Elena Bahmýtovanyń paıymdaýynsha, 2021 jyldyń kúzinde Qazaqstandaǵy shaǵyn jáne orta bıznestiń qansha paıyzy jáne qandaı segmentiniń pandemııadan es jıǵany belgili bolady, dep jazady Egemen.kz.
«Pandemııaǵa deıingi jumys istegen ShOB-tiń 25 paıyzy es jısa, biz soǵan qýanýymyz kerek. Meniń oıymsha, kúzge qaraı bıznestiń qaı segmentiniń tirshilikke beıimdi ekeni belgili bolyp qalady. Pandemııa ekinshi deńgeıli bankter portfeline qalaı áser etkeni sodan keıin aıqyndala túsedi», dep sanaıdy Elena Bahmýtova.
Ulttyq banktiń dúısenbide jarııalanǵan jańartylǵan boljamyna sáıkes, Qazaqstan ekonomıkasynyń ósý deńgeıine qaraı qaıta qaraldy. 2021 jyly ekonomıkalyq ósý 3,6-3,9% deńgeıinde, 2022 jyly 4-4,3% aralyǵynda kútilýde.
Ulttyq ekonomıka mınıstrliginiń málimetteri boıynsha, 2021 jyldyń qańtar-sáýir aılarynda JIО́ ósý qarqyny oń aımaqqa 2020 jyldyń naýryzynan bastap alǵash ret enip, 0,7% qurady.
2020 jyly Qazaqstannyń JIО́ 2,6% tómendedi.