Nur-Sultanda ótken aptada alǵash ret «Ashyq aspan astyndaǵy kitaphana» jobasy bastaý alǵan bolatyn. Endi bul is-shara ár demalys saıyn uıymdastyrylyp turatyn bolady, dep habarlaıdy elorda ákimdiginiń resmı saıty.
Jobanyń uıymdastyrýshysy – «Baıqońyr» aýdany ákiminiń apparaty. Aldaǵy jaz maýsymyna arnaıy uıymdastyrylǵan bul is-shara ár senbi saıyn dástúrli túrde ótkiziletin bolady. Paıdasy mol bastamanyń maqsaty – jazǵy demalysta oqýshylardy, stýdentterdi jáne aýdan turǵyndaryn oqýǵa tartý, ýaqyttaryn tıimdi ótkizý, sonymen qatar kitaphanaǵa turaqty oqyrman retinde jazylýǵa múmkindik jasaý.
Aspan astyndaǵy kitaphanada kóbine balalarǵa arnalǵan ádebıetter, áıgili jazýshylardyń poemalary, shyǵarmalary qoıylady.
«Ashyq aspan astyndaǵy kitaphana» jobasy osy aptada 12 maýsym kúni saǵat 11:00-de Abaı dańǵyly men Á.Sembınov kóshesiniń qıylysynda ornalasqan Qalamgerler alleıasynda ótedi.
Is-sharaǵa aqyn, ádebıettanýshy, QR eńbek sińirgen qaıratkeri, Halyqaralyq «Alash» ádebı syılyǵynyń ıegeri, Qazaqstan Jazýshylar odaǵy Nur-Sultan qalalyq fılıalynyń dırektory Dáýletkereı Kápuly qatysady. Shara barysynda aqynnyń óleńderi oqylyp, án de aıtylmaq.
Aıta keteıik, is-shara sanıtarlyq talaptardy qatań saqtaı otyryp ótedi.