Nur-Sultan qalasynyń mańynda 12 jasar qyzdy toptalyp zorlady degen kúdikpen aıyptalýshy tolyǵymen aqtaldy, dep habarlaıdy Egemen.kz.
«Nemolchı.kz» qorynyń málimetinshe, 12 jasar Aqmola oblysynyń turǵyny 2019 jyldyń jeltoqsanynan 2020 jyldyń maýsymyna deıin jynystyq zorlyq-zombylyqqa ushyraǵan. Toptasqan qylmysty 25-26 jas aralyǵyndaǵy jergilikti úsh er adam jasaǵan.
«Kámelet jasyna tolmaǵan qyzyn eresek er adamdar zorlaǵany týraly anam kezdeısoq bilip qalǵan. Áıel balanyń denesinde kógergen jerlerdi baıqaǵanymen, jasóspirimdi sóılete almaǵan. Ananyń kúdigi medısınalyq tekseristen keıin rastaldy», delingen «Nemolchı.kz» qorynyń habarlamasynda.
Qyz qoryqqanyna eshteńe aıtqysy kelmegen. Biraq barlyq jaǵdaı psıhologtyń kómegimen anyqtaldy.
Qyzdyń aıtýynsha, aǵasynyń úsh dosy ony jynystyq qatynasqa májbúrlegen. Qylmyskerlerdiń batyl bolǵany sonshalyq, qyzdyń úıine kelip júrgen. Qyzdy «synyptastaryńa bárin aıtyp beremin» dep qorqytyp kelgen.
Qyzdyń týystary bar jaǵdaıdan habardar bola salysymen, jasóspirimniń sózin rastaǵan kúdiktilerdiń birin ustady.
«Men mas edim. Iá, men ony zorladym», dep jaýap bergen kúdikti jigit. Keıin qalǵandary da ustalǵan.
25 mamyrda Kókshetaýda úsh kúdiktiniń ekeýine úkim shyǵaryldy. Olar 120-baptyń 4-bóligi (Zorlaý) boıynsha kináli dep tanyldy. Bir sottalýshy 20 jylǵa, ekinshisi 21 jylǵa qamaýǵa alyndy. Sonymen qatar ár adam eki mıllıon teńge moraldyq zııan tóleýi kerek.
Al úshinshi kúdikti alqabılerdiń sotyn qaraýdy talap etti jáne 8 maýsymda olar óz úkimderin shyǵardy.
«Alqabıler úshinshi sottalýshyny tolyqtaı aqtap, ol sot zalynan shyǵyp ketti. Qyzdyń anasy jylaǵan kúıi, bizge barlyq qazylar alqasy uıattan bastaryn salbyratyp otyrǵanyn habarlady», delingen qor ókilderi taratqan jazbada.
Onyń qylmysqa qatysy baryn dáleldeý úshin ata-analar men quqyq qorǵaýshylar shyǵynǵa batyp otyr. Buǵan deıin saraptama sottalýshynyń DNQ-syn rastaǵan, tipti tergeýdiń basynda onyń kinásin moıyndaǵan aıǵaqtary da bar.
Osynyń aldynda ǵana áleýmettik jelilerde Qaraótkel aýylynyń turǵyny Zarına Kemelova 12 jasar qyzdy toptyq zorlaý isi ádiletsiz júrgizilip jatyr dep shaǵymdanǵan.