Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed Eýropa Odaǵynyń Ortalyq Azııa boıynsha arnaýly ókili Pıter Býrıanmen kezdesti, dep habarlaıdy Egemen.kz.
Muhtar Qul-Muhammed áńgime barysynda Eýropalyq Odaqpen yntymaqtastyq Qazaqstannyń syrtqy saıasatyndaǵy negizgi baǵyttardyń biri ekenin atap ótti.
«Eýropalyq Odaq bizdiń senimdi strategııalyq áriptesimiz bolyp tabylady. Biz shyn máninde senimdi qarym-qatynas ornattyq, biz buny joǵary baǵalaımyz», dedi senator.
Qazaqstan men EO-nyń ekonomıkalyq, áleýmettik-mádenı jáne saıası ózara is-qımyly máseleleri jóninde de taraptar pikir almasty.
Muhtar Qul-Muhammedtiń pikirinshe, parlamentshiler arasyndaǵy baılanystardy údetý saıası dıalogtyń mańyzdy bóligine aınalýy yqtımal. Ol Qazaqstan Parlamenti «Qazaqstan-EO» parlamenttik yntymaqtastyq komıteti aıasynda Eýropalyq Parlamentpen syndarly dıalogty odan ári damytýǵa múddeli ekenin atap ótti.