Búgin Nur-Sultanda eski vokzal aýmaǵynda terrorızmge qarsy oqý-jattyǵý ótedi, dep habarlaıdy Egemen.kz.
«Aǵymdaǵy jylǵy 10 maýsymda saǵat 17.00-den bastap 22.00-ge deıin Terrorızmge qarsy kúres jónindegi astanalyq jedel shtaby «Jolaýshylar tasymaly» AQ «Severnyı» Jolaýshylar tasymaly óńirlik fılıalynyń tehnıkalyq jolaýshylar parkiniń aýmaǵynda (Gete kóshesi 7) josparly terrorızmge qarsy oqý-jattyǵýyn ótkizýdi josparlap otyr», delingen habarlamada.
Is-sharanyń maqsaty - jedel shtab kúshteri men quraldarynyń terrorıstik kórinisterge shuǵyl áreket etý, terrorızm aktisiniń saldaryn joıý jáne azaıtý boıynsha mindetterdi oryndaýyna daıyndyǵyn tekserý.
«Oqý-jattyǵýy ártúrli kúrdeli elementterdi eskere otyryp, barynsha áskerı jaǵdaıǵa jaqyn ótkiziledi. Tehnıkalyq jolaýshylar parkiniń mańaıynda shekteý sharalary qarastyrylǵan. Osyǵan baılanysty turǵyndardy ótkiziletin oqý-jattyǵý sharalaryna túsinistikpen qaraýǵa, qaýipsizdik sharalaryn saqtaýǵa jáne sharaǵa jumyldyrylǵan memlekettik organdardyń qyzmetshileriniń zańdy talaptaryn oryndaýǵa shaqyramyz», dedi shtab ókilderi.