Prezıdent Qasym-Jomart Toqaev Sheteldik ınvestorlar keńesiniń otyrysynda pandemııa kezinde sheteldik ınvestısııanyń kómigimen 7000-nan astam jumys orny ashylǵanyn atady, dep habarlaıdy Egemen.kz.
«Pandemııa kezinde Qazaqstannyń shıkizattyq emes taýarlar eksporty 15 mlrd dollardy qurap, meılinshe az – 2,8 paıyzǵa qysqarǵany qýantady. Osynaý daǵdarys jylynda biz 18 mlrd dollardan astam tikeleı sheteldik ınvestısııa tarta aldyq. Byltyr sheteldik qatysýmen óńirlerde jalpy somasy 1,6 mlrd dollar bolatyn 41 ınvestısııalyq joba qolǵa alyndy. 7000-nan astam jumys orny quryldy.
Álem ekonomıkasy qalpyna kele bastaǵan kezde Qazaqstan da ekonomıkalyq ósim qarqynyń arttyryp jatyr. Bizdiń Úkimettiń boljamy boıynsha, bul ósim 3,5 paıyz bolýy múmkin. Budan joǵary yqtımal qarqyn kútip otyrmyz», dedi Memleket basshysy.