О́skemen turǵynynyń bank bólimshesindegi bankomattan sheship alǵan 720 myń teńgesin urlaǵan eki elordalyq azamat tabyldy, dep habarlaıdy Egemen.kz.
Qalalyq Polısııa basqarmasy baspasóz qyzmetiniń málimetinshe, bankke kelgen 55 jáne 39 jastaǵy eki er adam kisi tonamaq bolǵan.
«Jábirlenýshiniń bankomattan sheshken 720 myń teńgesin tartyp alǵan tonaýshylar izin sýytpaq bolyp, Pavlodar arqyly Nur-Sultanǵa jeńil kólikpen bet alady. О́skemendik krımınaldyq polısııa qyzmetkerleri elorda jáne Pavlodar qalalarynyń Polısııa departamentterimen birlesip kúdiktilerdi astanadan qolǵa túsirdi», dep habarlady vedomstvo ókilderi.
Belgili bolǵandaı, eki er adam tonaýdyń ýaqyty men ornyn aldyn ala josparlap, adam kóp shoǵyrlanǵan jerdi ádeıi tańdap alǵan. Kúdiktiler aqshanyń jartysyn jaratyp úlgeripti. Qazirgi ýaqytta jábirlenýshige qalǵan soma qaıtaryldy.
О́z kinálaryn tolyq moıyndaǵan tonaýshylar О́skemende ýaqytsha ustaý ızolıatoryna qamaýǵa alyndy. Olarǵa qatysty QR QK-niń 191 baby 2 bóligine sáıkes sotqa deıingi tergeý amaldary júrgizilýde.