2021 jyly bilim berý granttarynyń sany 5 myńǵa artady. Bul týraly búgin QR Prezıdenti janyndaǵy Ortalyq kommýnıkasııalar qyzmeti alańynda ótken brıfıngte Bilim jáne ǵylym mınıstri Ashat Aımaǵambetov málimdedi.
«Kelesi oqý jylyna bakalavrıat baǵdarlamasy boıynsha 51 561 grant bólindi, onyń ishinde «Serpin» baǵdarlamasy boıynsha. Sonymen qatar «Nur Otan" partııasynyń saılaýaldy baǵdarlamasyn júzege asyrý jónindegi jol kartasy sheńberinde taǵy 5000 grant bólý qarastyrylǵan. Bakalavrıat baǵdarlamasy boıynsha granttardyń jalpy sany 56 561 grantty quraıdy, magıstratýra boıynsha - 13 263, doktorantýra – 1890. Kadrlar daıarlaýǵa arnalǵan granttar qajetti baǵyttar boıynsha bólinedi», dep atap ótti vedomstvo basshysy.
Sondaı-aq Ashat Aımaǵambetov joǵary bilimniń qoljetimdiligin arttyrý úshin 2025 jylǵa deıin granttar sany 50%-ǵa artatynyn atap ótti. Aıta ketken jón, jyl saıyn jas ǵalymdarǵa 1000 grant bólinedi. Al 500 qazaqstandyq ǵalym «Bolashaq» baǵdarlamasy aıasynda tanymal álemdik ǵylymı ortalyqtarǵa taǵylymdamadan ótý úshin jiberiletin bolady.