Batys Qazaqstan oblysynyń kameralyq orkestri elordadaǵy Memlekettik akademııalyq fılarmonııamen memorandýǵa qol qoıdy, dep habarlaıdy Egemen.kz.
Nur-Sultan qalasy ákimdiginiń «Memlekettik akademııalyq fılarmonııasy» men Batys Qazaqstan oblystyq kameralyq orkestri ózara yntymaqtastyq týraly memorandýmǵa qol qoıdy. Bul qujat aıasynda taraptar mádenı mańyzdy is-sharalardy daıyndaý jáne iske asyrý kezinde ózara kómek kórsetýge, oryndaýshylar men shyǵarmashylyq ujymdar ózara tájirıbe almasýǵa, sondaı-aq mýzykalyq alańdy usyný boıynsha bir-birine qoldaý kórsetýge nıetti.
Batys Qazaqstan oblystyq kameralyq orkestr dırektory Saltanat Ábilǵazıeva aldaǵy ýaqytta taǵy birneshe óner ujymymen yntymaqtastyq ornatý josparyn bólisti. Bıyl qurylǵanyna 10 jyl tolyp otyrǵan orkestr mereıli dataǵa jane el táýelsizdiginiń 30 jyldyǵyna oraı ózara seriktestik qarym-qatynas ornatqan qalalar men eldi mekender sahnasynda óner kórsetpek.
Batys Qazaqstan