Atyraý qalasynda 8 páterlik «Gaýhartas» turǵyn úı kesheni órtendi. Páterin órt shalǵan turǵyndar týystarynyń baspanasyn panalaýǵa májbúr bolyp otyr, dep habarlaıdy Egemen.kz.
Oblystyq tótenshe jaǵdaılar departamenti baspasóz qyzmetiniń aqparatyna qaraǵanda, órt 13 maýsymda keshki saǵat 22:19-da bolǵan.
«О́rt sóndirýshiler «Saryqamys» shaǵyn aýdanyndaǵy «Gaýhartas» turǵyn úı keshenine barǵanda tóbe jabyndysy men 2-qabaty janyp jatty. Turǵyn úı kesheninen 21 adam, onyń ishinde 10 bala ózdigimen qaýipsiz jerge shyqqan», dep habarlady departamenttiń baspasóz qyzmeti.
Jalyndy sóndirý úshin tótenshe jaǵdaılar departamentinen 50 qyzmetker men 8 tehnıka, «О́rt sóndirýshi» AQ fılıalynan 3 qyzmetker, 1 tehnıka jumyldyryldy. Sondaı-aq «Aq Beren» AQ fılılanynan 2 qyzmetker, 1 tehnıka, «NKOK» kompanııasynan 4 qyzmetker, 1 tehnıka, SKEBR-den 4 qyzmetker, 1 tehnıka, polısııa departamentinen 7 qyzmetker, 3 tehnıka tartyldy.
О́rt saǵat 00:43-te oqshaýlanyp, saǵat 00:57-de tolyqtaı sóndirildi.