Memlekettik qyzmet isteri agenttigi Qazaqstanda memlekettik ákimshilik qyzmetshilerge bonýstar esepteýdi alyp tastaýdy qarastyratyn túzetýler jobasyn jarııa talqylaýǵa shyǵardy, dep habarlaıdy Egemen.kz.
«Qazaqstan Respýblıkasynyń memlekettik qyzmeti týraly» zańǵa túzetýler jobasyn jarııa talqylaý 25 maýsymǵa deıin jalǵasady.
Zań jobasy el Prezıdentiniń 2020 jylǵy 1 qyrkúıektegi Qazaqstan halqyna Joldaýynda qoıylǵan memlekettik qyzmetti jetildirý jónindegi mindetterdi oryndaý úshin quqyqtyq jaǵdaılar jasaý maqsatynda ázirlengeni habarlandy.
«Memleket basshysy memlekettik organdarda faktorlyq-baldyq shkala negizinde eńbekaqy tóleýdiń jańa júıesin engizý mindetin qoıdy.
«100 naqty qadam» Ult josparyn iske asyrý jónindegi jol kartasynyń 1-tarmaǵyna sáıkes, «Qazaqstan Respýblıkasynyń memlekettik qyzmeti týraly» zańǵa memlekettik ákimshilik qyzmetshilerge bonýstar esepteýdi boldyrmaý bóliginde ózgerister men tolyqtyrýlar engizýdi kózdeıtin zań jobasy ázirlendi», delingen jobany túsindirme jazbada.