ShQO TJD baspasóz qyzmetiniń málimetinshe, qutqarýshylarǵa Tynyshpaev kóshesindegi 1950 jyly salynǵan jataqhananyń tóbe jabyndysy qulaǵany týraly habar túsken, dep habarlaıdy Egemen.kz.
«Oqıǵa ornyna jedel jetken qutqarýshylar 2 turǵyndy evakýasııalady. 10 azamat sol jerden óz betimen shyǵyp úlgirgen. Kınologııalyq qyzmet ókilderi Alesıa laqap atty ıttiń kómegimen jataqhanada zardap shekkenderdiń bar-joǵyn muqııat tekserdi», dep habarlady vedomstvo ókilderi.
Belgili bolǵandaı, qaza bolǵandar men zardap shekkender joq. Tóbe jabyndysynyń qulaǵan aýmaǵy shamamen 8 sharshy metrdi quraǵan. Aldyn ala málimet boıynsha úıde 50 adam turady. Qazirgi ýaqytta oqıǵa ornyn polısııa qyzmetkerleri qorshap tastady. Komıssııa músheleri jumys júrgizýde.