LRT isi boıynsha sottalýshylardyń advokattary birinshi ınstansııadaǵy sottyń úkimimen kelispeıtinderin jáne apellıasııalyq shaǵym beretinin málimdedi, dep habarlaıdy Egemen.kz.
Janat Nurpeıisov, Ulyqbek Achılov pen Dáýren Abdýhamıtovtiń advokaty olardyń qorǵaýshylarynyń kinási sot arqyly dáleldenbegenin aıtty.
«Urlyq deregi dáleldenbegen. Bizdiń qorǵalýshylarymyzǵa baılanysty jobalar boıynsha barlyq jumys kólemi oryndaldy. Syzbalar, jobalar tapsyrys berýshige usynyldy, ol olardy qabyldady, shaǵymdar bolǵan joq. Ol buǵan kelisip, tóledi, biraq tolyq emes. «Astana LRT» kompanııasy qaryz bolyp qaldy», dedi Ulyqbek Achılovtyń advokaty Nadejda Dalabaeva.
Dáýren Abdýhamıtovtiń qorǵaýshysy Hamıda Aıtkalıeva is boıynsha keltirilgen shyǵyn somasynyń LRT qurylysyna eshqandaı qatysy joǵyn aıtady.
Ol óziniń klıenti Dáýren Abdýhamıtov laýazymdy tulǵa emes ekenin, qandaı da bir qosalqy merdiger uıymnyń basshysy emes ekenin, qandaı da bir kompanııanyń quryltaıshysy nemese qatysýshysy emes ekenin atap ótti.
«Soǵan qaramastan, sot ony qylmys jasaǵany úshin kináli dep tanydy, atap aıtqanda konsorsıýmdardyń shottaryna túsken aqshany alý úshin zańdy tulǵalardy izdedi. Somanyń 70-80 paıyzy sheteldik kompanııalardyń shottaryna aýdaryldy. Al bizdi bul aqsha qaıta bólindi dep aıyptaıdy», dedi Hamıda Aıtqalıeva.
Zańger Talǵat Ardan («Astana LRT» eks-basshysy) sot aıyptaý kóleminen shyǵarylǵanyn aıtty, sebebi onyń kinási sot otyrysynda dáleldenbedi.
«Is júzinde barlyq sottalýshy kimge kómekteskenderi týraly suraqtar qoıdy. Sot sottalýshylardyń bul suraǵyna jaýap bergen joq», deıdi ol.
«Meniń oıymsha, bul qylmystyq is qozǵalyp, qoǵamǵa «kináliler osy» dep kórsetý úshin ǵana qolǵa alynǵan. Al tájirıbe júzinde qoǵamǵa báribir. Olar «LRT boıynsha bireýdi sottady» degendi ǵana estıdi. Biz kóptegen pikir oqımyz ǵoı, olar: «Sol kerek, atyp tastaý kerek» deıdi. Qarǵap, ne bolǵanyn túsinbeıdi, al shyn máninde meniń qorǵalýshymnyń ornynda kez kelgen adam bolýy múmkin edi. Mysaly sot óz úkiminde: «Abdýhamıtov qylmystyq toptyń quramynda bolýǵa kelisimin bergen» deıdi. Ol qashan, qaıda aıtylǵany týraly qandaı da bir qujat bar ma, sol áńgimeni bireý estidi me?», deıdi Hamıda Aıtqalıeva.
Eks-depýtat jáne qalalyq máslıhattyń hatshysy Janat Nurpeıisovtiń advokaty Nurlan Orazalın da sottyń úkimimen kelispeı otyr.
«Aıyptaý aktinde uıymdastyrýshy rolde - Ardan men Sultanbekov bolǵan. Olar joq, sotqa jetkizilmedi. Eger olardyń kinási sot úkimimen anyqtalmasa, bizdiń qorǵalýshylarymyz Sultanbekov pen Ardanǵa kómektesti dep qalaı aıta alamyz? Olardyń kinási anyqtalyp, sotqa berilmeı, qalaı kómektesý týraly áńgime aıtýǵa bolady?
Sot aqyldasý bólmesine barǵan kezde ne istedi? Ardan men Sultanbekov úkimde joq, tek keıbir jerlerde. Olardy «ózge tulǵalar № 1, № 2 dep belgiledi». О́zge tulǵalar paıda boldy. (...) Sot olardy ataı almaıtyndyǵyn aıtady, sebebi olardyń kinási sot isimen dáleldenýi kerek. Biraq eger biz olardy alyp tastasaq, onda № 1, № 2 degen kimder?», dedi Nurlan Orazalın.