Lıvannyń astanasy – Beırýtte taekvondodan erler men áıelder arasyndaǵy Azııa chempıonaty bastaldy. Bul jarysta Qazaqstanyń 15 daıan sheberi óner kórsetýde, dep habarlaıdy Egemen.kz.
Alǵashqy kúni jerlesterimiz úsh júldege ıelik etti. 54 kılo salmaqtaǵy Saıat Temirhan qola medaldi moınyna ilse, 87 kılo salmaqtaǵy Smaıyl Dúısenbaı aqtyq synǵa deıin alqynbaı jetkenimen sheshýshi tusta Ońtústik Koreıanyń ókilinen utylyp, qatarynan ekinshi márte Azııa birinshiliginiń kúmis júldegeri atandy. Al 2018 jyly ol Vetnamnyń Hoshemın qalasynda sary qurlyqtyń teńdessizi dep tanylǵan edi.
Áıelder saıysynda synǵa túsken Jansel Denız de dál sol mejeden kórindi. Qurlyq chempıonaty men Dúnıejúzilik Ýnıversıadada ekinshi oryndy oljalaǵan qazaq qyzy Beırýttegi básekeniń fınalynda koreıalyq taekvondoshyǵa jol berdi.