QR Sybaılas jemqorlyqqa qarsy is-qımyl agenttiginiń tóraǵasy M. Ahmetjanov EYU-ǵa múshe memleketterdiń sybaılas jemqorlyqqa qarsy organdary basshylarynyń otyrysyna qatysty, dep habarlaıdy Egemen.kz.
16 maýsymda qazaqstandyq delegasııa Tashkentte (О́zbekstan) Ekonomıkalyq Yntymaqtastyq Uıymyna qatysýshy elderdiń sybaılas jemqorlyqqa qarsy organdary basshylarynyń jáne ombýdsmenderiniń 4-shi otyrysyna qatysty.
Ortalyq Azııa men Taıaý Shyǵystyń 10 memleketiniń sybaılas jemqorlyqqa qarsy vedomstvolarynyń ókilderi sybaılas jemqorlyqqa qarsy saıasatty damytý jáne sybaılas jemqorlyqqa qarsy is-qımyl salasyndaǵy ózara is-qımyl máselelerin talqylady.
M. Ahmetjanov Qazaqstanda qylmystyq-quqyqtyq salada, sondaı-aq sybaılas jemqorlyqqa qarsy is-qımyl jáne sıfrlandyrý salasynda júrgizilip jatqan reformalar týraly habarlady. Ol osy baǵyttarda qabyldanǵan sharalar kesheni Qazaqstanǵa Zań ústemdiginiń halyqaralyq reıtıngisinde 128 memlekettiń ishinde 62-oryndy alýǵa múmkindik bergenin atap ótti. Dúnıejúzilik Banktiń Sybaılas jemqorlyqty baqylaý ındıkatory boıynsha Qazaqstan 2 jyl ishinde óz kórsetkishterin 2 eseden astamǵa jaqsartty.
Sonymen qatar 8 jyl ishinde Qazaqstan Sybaılas jemqorlyqty qabyldaý ındeksindegi (Transparency International) pozısııasyn 133-ten 94-orynǵa deıin jaqsartty.
Is-sharaǵa qatysýshylar sybaılas jemqorlyqqa qarsy zańnamany jetildirý, qylmystyq sot isin júrgizý jáne memlekettik qyzmetter kórsetý salalarynda sıfrlyq tehnologııalardy qoldaný, sondaı-aq qylmystyq prosestiń úsh býyndy modelin engizý boıynsha Qazaqstannyń tájirıbesin oń atap ótti.
Sapar aıasynda M. Ahmetjanovtyń О́zbekstan men Tájikstannyń sybaılas jemqorlyqqa qarsy organdarynyń basshylarymen ekijaqty kezdesýleri ótkizdi.
О́zbekstan Respýblıkasynyń Sybaılas jemqorlyqqa qarsy is-qımyl agenttigimen ózara túsinistik týraly Memorandýmǵa qol qoıyldy.