Regbı-7 sportynan Monakoda ótip jatqan Tokıo Olımpıadasyna irikteý týrnıri qazaqstandyq sportshylar úshin sátsiz aıaqtaldy, dep habarlaıdy Egemen.kz.
Anna Iаkovleva jattyqtyratyn Qazaqstan komandasy týrnırdiń jartylaı fınalyna shyqqan bolatyn. Alaıda, bul kezeńde azýly Reseı quramasynan 0:38 esebimen oısyraı jeńildi.
Shırek fınalda Qazaqstan komandasy Týnısti 28:21 esebimen utqan bolatyn. Osylaısha, regbıshiler Tokıo Olımpıadasyna qatysý quqyǵyna qol jetkize almady.
Olımpıadada 33 sport túrinen 339 medal jıyntyǵy sarapqa salynady. Sondaı-aq bıyl dúbirli dodaǵa beısbol, karate, serfıng, quzǵa órmeleý jáne skeıdbordıng sekildi jańa sport túrleri qosyldy.
Al, qazaqstandyq sportshylar Tokıo olımpıadasynda el namysyn sporttyń 30 túrinen qorǵaýdy josparlap otyr.