Túrkııada 1 shildeden bastap karantın tártibi jeńildep, birqatar shekteýler alynady, dep habarlaıdy Egemen.kz.
Bul týraly prezıdent Redjep Taııp Erdoǵan málimdedi. Endi elde kúndelikti komendanttyq saǵat pen jeksenbilik lokdaýn engizilmeıdi. Qalaaralyq qoǵamdyq kólikterdiń jumysy da jandanady. Sondaı-aq memlekettik mekemeler qalypty jumys rejımine kóshedi.
Aıta keteıik, sońǵy táýlikte elde 5 myńnan astam kisi qaýipti indetti juqtyryp, 51 naýqas kóz jumdy.
«Shildeden bastap komendanttyq saǵatty tolyǵymen alyp tastaımyz. Mýzykalyq keshterge arnalǵan shekteýdi túngi 12-ge deıin uzarttyq. Endi árbir azamattyń ekpe alýy mańyzdy. Ásirese 18 jastan asqandar bul máselege beı-jaı qaramaýy kerek», dep málimdedi Túrkııa Prezıdenti Redjep Taııp Erdoǵan.