Atyraýda tanysynyń telefonyn urlaǵan er adamnyń bas bostandyǵy eki jylǵa shekteldi, dep habarlaıdy Egemen.kz.
Oblystyq polısııa departamenti baspasóz qyzmetiniń aqparatyna súıensek, 37 jastaǵy er adam tanysynyń «NOKIA» markaly telefonyn urlaǵan.
«Jábirlenýshi Mahambet aýdandyq polısııa bólimine aryzdanyp, quny 25 myń teńge turatyn «NOKIA» markaly telefonyn bireý urlap ketkenin aıtqan. Sońǵy ret onyń úıinde 37 jastaǵy tanysy qonaqta bolypty. Olar birge ishimdik ishken soń jábirlenýshi uıyqtap qalǵan. Al, kúdikti azamat «uıaly telefondy oınap alyp kettim» dep aqtalyp, kelesi kúni polısııa qyzmetkerleri arqyly telefondy qaıtaryp bergen. Tekserý kezinde kúdiktiniń buryn da sotty bolǵany anyqtaldy. Sottalýshynyń kinási sot tergeýinde zerttelgen is materıaldarymen dáleldendi» dep habarlady departamenttiń baspasóz qyzmeti.
Kúdikti QR Qylmystyq Kodeksiniń 188-babymen (Urlyq) kináli dep tanylyp, oǵan túpkilikti eki jyl merzimge bas bostandyǵynan aıyrý jazasy taǵaıyndaldy.