Parlament Senatynyń jalpy otyrysynda Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzmetke taǵaıyndaldy, dep habarlaıdy Egemen.kz.
«Konstıtýsııaǵa sáıkes, Senattyń kvotasy aıasynda Esep komıtetiniń múshesi qyzmetine kandıdatýrany Senat tóraǵasy usynady.
Osyǵan baılanysty Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzmetine osydan bes jyl buryn taǵaıyndalǵan Nurlan Amangeldiuly Nurjanovty jańa konstıtýsııalyq merzimge taǵaıyndaýdy usynamyn», dedi Senat tóraǵasy Máýlen Áshimbaev.
Palata depýtattary bul usynysty biraýyzdan qoldady.
N. Nurjanov joǵary sanattaǵy memlekettik aýdıtor.
Qarjylyq baqylaý men memlekettik aýdıt jónindegi halyqaralyq sertıfıkatqa ıe. Osy ýaqytqa deıin Esep komıtetiniń múshesi qyzmetinde bolǵan.