Soǵys taqyryby syılyq aldy

Mundaı úlken ádebı syı­lyqtardyń qazaq qoǵamyna dańqy men daqpyrty jetkeni bolmasa, qalamgerlerimiz qatysyp, júldeli bolyp jat­­qan joq. Degenmen, álem­dik keńistiktegi ataýly syılyqtardy qandaı ta­­qyryptaǵy shyǵarmalar alyp jatqany qyzyq. Má­selen, aqyn-jazýshy Anna Moskovakıs fransýz tilinen aǵylshynshaǵa aýdarǵan (kúni keshe ǵana Halyqaralyq Býker syılyǵyn alǵan) kitapta Devıd Dıop Birinshi dúnıejúzilik soǵys jáne otarshyldyq kezeńderi týraly baıandaıdy. Demek, soǵys taqyryby áli de ja­­zylyp jatyr hám ma­ra­patqa da laıyq. Al qazirgi qazaq ádebıetinde soǵys ta­qyrybyn qaýzap júrgen qa­lamgerler bar ma?.. Ál­qıssa.

Kitaptyń basty keıipkeri Fransııanyń burynǵy afrı­kalyq kolonııalarynan kelgen kóptegen ımmıgrant sııaqty fransýzdar qata­rynda urys júrgizetin se­negaldyq sarbaz. Dıoptyń ózi de Parıjde týǵan, biraq balalyq shaǵyn Senegalda ótkizgen soń Fransııaǵa oral­ǵan. «Jan baýyrym» – 55 jastaǵy jazýshynyń ekinshi kitaby. Roman 2018 jyly jaryq kórgen edi.

«Bul – soǵys, mahabbat pen essizdik týraly kere­met áser qaldyratyn kúshi bar shyǵarma. Basty keıip­kerge sıqyrmen aınalysty degen aıyp taǵylyp, on­daǵy áńgimeniń órbýi men oqyr­manǵa jeńil baıandalýy nazarymyzdy erekshe aýdardy», deıdi qazylar alqasy.

Aıta keteıik, 1969 jyly negizi qalanǵan jáne burynǵy Brıtan Dostastyǵy elderiniń jazýshylaryna jyl saıyn beriletin Býker syılyǵynan aıyrmashylyǵy – ol 2004 jyly qurylyp, 2016 jyl­ǵa deıin eki jylda bir ret taǵaıyndalyp kel­gen. Endi jyl saıyn áde­bıettegi je­tistikteri úshin qalam­ger­lerge beriledi. Aǵylshyn ti­line aýdarylǵan jáne Uly­­brıtanııada nemese Ir­lan­dııada basylǵan kez kelgen kitaptyń avtory jeńimpaz bola alady. Syılyqqa qosa 50 000 fýnt sterlıng (70 800 dollar) beriledi. Ony avtor men aýdarmashy teń bólip alady.